Náðarstund fyrir norðan
Harmsaga Agnesar Magnúsdóttur
Með bókina Náðarstund eftir ástralska rithöfundinn Hannah Kent í farteskinu er ekið um þær slóðir þar sem Agnes Magnúsdóttir dvaldi, ýmist sem vinnuhjú frá fermingju eða fangi, á meðan hún beið aftöku sinnar. Bókina samdi Hannah eftir að hafa dvalið sem skiptinemi á Norðurlandi. Við skoðum sögusviðið í Langadal, Vatnsdal, Vesturhópi og á Vatnsnesi. Það er litríkur hópur fólks sem þarna kemur við sögu og býr vítt og breitt í Húnavatnssýslum. Um þau er sannarlega forvitnilegt að fá að vita meira og það gerum við í þessari ferð. Þar ber fyrst að nefna Agnesi Magnúsdóttur, Friðrik Sigurðsson frá Katadal og Sigríði Guðmundsdóttur, bústýru á Illugastöðum, sem öll voru dæmd til dauða fyrir morðið á Natani Ketilssyni og Pétri Jónssyni. En fjöldi annarra þektra persóna eru hluti af þessari sögu, svo sem Björn Blöndal, sýslumaður og Rósa Guðmundsdóttir, skáldkona og ljósmóðir. Mikið hefur verið skrifað og skrafað um hina örlagaríku atburði sem leiddu til síðustu aftöku á Íslandi í Vatnsdalshólunum í Húnavatnssýslu þann 12. janúar árið 1830. Um þá hafa verið samin leikrit og ljóð, skáldsögur og sagnfræðirit, sönglög og kvikmynd.
