Góðan daginn og velkomin út í sveit!
Við erum á Norðurlandi vestra í rólegum dal í Miðfirði, þar höfum við verið með ferðaþjóunstu í 42 ár.
Á Brekkulæk er gistihús, hrossabú (hestar, hundur) og ferðaskrifstofa. Gistihúsið er opið. Morgunmatur er innifalin í verði. Maí eru verð fyrir 2gja manna herbergi frá 15.000.- og er tilboð þrjár nætur á verði tveggja. Júní, júli og ágúst eru verð fyrir 2gja manna herbergi frá: 17.000.- og bjóðum við uppá 25 % afslátt ef bókaðar eru tvær nætur eða fleiri. Hundar eru að sjálfsögðu velkomnir í ákveðnum herbergjum. Stutt í náttúruperlur eins og Vatnsnes, Kolugljúfur og fleira.
Hvítasunnuhelgina (lok maí / byrjun júni) erum við með fuglaskoðunarferð sem getur hentað öllum náttúruunnendum, (sjá fyrir neðan) von er á fleiri ferðatilboðum. Ferðafelag Íslands býður upp á ferðir í samvinnu við okkur :
https://www.fi.is/is/ferdir/allar-ferdir/nadarstund-fyrir-nordan
https://www.fi.is/is/ferdir/allar-ferdir/eilifdin-a-arnarvatnsheidi
Bókanir og frekari upplýsingar í síma 4512938 / 8930638 eða
booking@abbi-island.is
VOR Í SVEITINNI
Nátturuskoðunarferð – 5 dagar – 4 nætur – sveitin, fuglar, náttúra
Eftir langan vetur vaknar töfrandi land okkar og náttúran aftur til lífs. Fallegir lækir, líflegir fuglar og nýfædd lömb. Dvalið verður 3 nætur í Brekkulæk í Miðfirði, grónu landbúnaðarhéraði þar sem gestgjafarnir búa með 70 hrossum og hundinum Leó. Einn af hápunktum þessarar ferðar er ferð norður á Skaga, þar sem æðarbóndinn Vignir kynnir okkur fyrir heillandi umhverfi sínu og fer með okkur á báti útí litla eyju með þúsundir fugla, lundabyggð og stóru æðavapi. Við munum líka heimsækja Vatnsnes sem er hálendur skagi milli Miðjarðar og Húnafjarðar, þekktur fyrir stór selalátur. Einnig munum við aka út á Strandir. Þessa ferð endum við síðan á Reykhólum. Á þessum stöðum er hægt að sjá stórann hluta af fuglafánu Íslands. Við munum ferðast með lítilli rútu, með báti og gangandi og slaka á í heitum pottum þegar færi gefst. Einnig gefst ágætis tækifæri til að taka ljósmyndir af fuglum.
Dagsetning: 28.05. – 01.06.; 04 06.– 08.-06 2020
(fimmtud,- mánud. 4 nætur)
Verð: 85.000,- ISK á þátttakenda
1.Dagur, fimmtud.: Reykjavík – Brekkulækur
Farið með rútu á okkar vegum frá Reykjavík. Brottför BSí kl.11.00, Veitingastaðnum Sprengisandi kl. 11.15 og verðum við komin á Brekkulæk um kl. 15.00 Á leiðinni norður verður stutt stopp við fossinn Glanna þar sem við með nokkurri heppni verðum vör við einn minnsta fugl Íslands. Hressing við komuna að Brekkulæk.Síðan smá gönguferð þar sem við kynnumst nærumhverfinu og heilsum upp á vorboðana. Kvöldmatur og gisting á Brekkulæk. þar sem við gistum í 3 nætur. (k)
2.Dagur, föstud.: Arnarvatnsheiði – Vatnsnes
Vaknað við fuglasöng. Heiðlóur, stelkar, hrossagaukar, spóar, þúfutitlingar og skógarþrestir bjóða góðan dag. Morgun-matur. Síðan ekið inn til heiða og gengin spölur með gljúfri Austurár þar sem oft verpa í nábýli fálkar og heiðargæsir. Léttur hádegismatur á Brekkulæak. Ekið fyrir Vatnsnes og svipast um eftir sel, skoðaður heitur kver í flæðarmálinu. Lengra stopp hjá drangnum Hvítserk en umhverfis hann er mjög skemmtilegt vistkerfi þar sem kría, æðarfugl, tjaldur, fýll, teista og rita verpa í miklu nábýli. (m h k)
3.Dagur, laugard.: Skagi
Í dag er ferðinni heitið út á Skaga með viðkomu í Vatnsdalshólunum. Við skoðum okkur um í hinni fornu verstöð Kálfshamarsvík. Á vegi okkar verða: himbrimar, toppendur, óðinshanar sand-erlur, sendlinga, rauðbrystingur, tildrur og lóuþrælar. Við mælum okkur mót við æðarbóndann og þúsundþjalasmiðinn Vigni bónda í Höfnum á Skaga. Hápuntur dagsins verður, ef veður leyfir bátsferð með Vigni út í eyju sem er ca 100 m. frá landi. Á þessari smáeyju eru stórt æðarvarp og lundabyggð . (m,n,k)
4.Dagur, sunnud.:
Brekkulækur – Strandir – Reykhólar
Ekið fyrir Hrútafjörð og norður strandir, yfir Þröskulda að Reykhólum. Stutt stopp í Broddanesi og á Hólmavík. Á þessari leið verða á vegi okkar flórgoðar, straumendur og toppendur. Gist í gistihúsi á Reykhólum. (m,k)
5.Dagur,mánud.: Reykhólar – Reykjavík
Að loknum morgunverði förum við í ca. 3 t. gönguferð um einstaka fuglaparadís Reykhóla. Hér verpir m.a. mikill fjöldi hávella, skúfanda, dugganda og einkum lóma. Síðan ekið af stað til Reykjavíkur um Dali og Bröttubrekku. Að sjálfsögðu svipumst við um eftir örnum þegar ekið um Gilsfjörð. Komið til Reykjavíkur ca. kl. 19.00 (m)
Fæði eins og tiltekið er: m=morgunnmatur; h= hádegismatur ; k= kvöldmatur ; n= nesti.
Nauðsýnlegur búnaður: Fuglakíkir, góðir gönguskór, útivistarfatnaður, etv. göngustafír, regnföt, bakpoki, sundfatnaður.
Fararstjóri: Fararstjóri verður Arinbjörn Jóhannsson ferðabóndi á Brekkulæk sem er öllum hnútum kunnugur í sveitinni. Fuglaáhugamaður og náttúruunnandi frá æsku. Arinbjörn hefur skipulagt og verið fararstjóri í fuglaskoðunarferðum fyrir útlendinga í 25 ár. Ma. séð um fuglaskoðunarferðir fyrir stór þýsk náttíruverndar samtök NABU (Natur Bund)
